女神配對計劃︱ 曾展望扮蠢呃葉蒨文攬攬　大床同房宿1宵

無綫戀綜《女神配對計劃》星期日晚（3日）將出現大家最期待的畫面，「國民CP」葉蒨文（Sophie）與曾展望（GM）將在Dating Camp中同房宿一宵，但由房問只有一張大床，Sophie想到以猜包剪揼解決床位問題，兩人猜包剪揼也Sweet到爆，S期間佻皮的GM還故意與Sophie一起出揼，令Sophie囉囉攣，最終GM雖刻意輸給Sophie，但仍不忘口花花指自己瞓地下驚風濕，逗得Sophie甜笑寸GM說：「幾多歲呀你？！」

GM事後接受訪問坦言能與女神同房，兼有機會同床大感興奮：「我鍾意嘅人，我一定開心。如果我話我好驚，『唉呀！唔好呀！男女授授不親』，咁好假啦，但我主要擔心佢會唔會唔舒服。」而面對GM的厚顏強攻Sophie會否屈服與他同床則留待節目分解。

雖然Sophie明顯情傾GM，但他也未有怠慢，節目中連環爆發小宇宙花式氹爆女神。在同房前熱身賽，兩人猜題目合拍到爆，去到「十指緊扣」這條題目時，即詐傻扮懵，GM的賴皮被噓爆，冇晒符的Sophie最終只能捉緊GM其中一隻手來一個真的十指緊扣，引發全場歡呼。Sophie冧豬樣直指覺得與GM很夾：「我哋拍劇嗰陣已經一拍即合架喇，我覺我同GM係天生有默契」兩人雖然又夾又甜蜜，但GM卻非沒有危機，GM同組對手林澤謙（Him）與林堡熙（Eddie）條件好兼進擊，希望力挽狂瀾。GM與Sophie同房期間，阿Him與Eddie輪流主動約會Sophie，雖然GM表面接受，但也搞笑扮扯火：「搵夠Sophie未呀？！有咩傾下次搵埋我一齊傾吖嘛。」

東網網站 : https://on.cc/東網Facebook專頁 : https://www.facebook.com/onccnews/