【Reno10 Pro+評測】令人嘆為觀止的遠攝鏡頭 丨媲美旗鑑機的攝影能力 丨高CP值中階電話 丨Reno 10 系列 丨OPPO Reno 10 Pro+ 5G #OPPO #Reno10

又黎到Z世代達人嘅時間啦，近日OPPO就推左咗主打拍攝功能嘅Reno10系列，今日喺我手上嘅就係Reno 10 Pro+呢部手機，現在就等同大家一齊開箱呢部手機啦~
首先睇睇個外形，喺我手上嘅就係Reno 10 Pro+嘅釉紫色版本，手機背部採用咗光面玻璃材質，摸落去都好光滑，而且仲唔會冼手
而且光面玻璃材質再配搭埋紫色嘅配色，比人有一種高貴以及優雅嘅感覺，真係幾適合女士架~
而屏幕方面，今次Reno 10 Pro+ 就設有6.7吋3D AMOLED屏幕，支援120Hz嘅屏幕刷新率。
到咗Reno 10 Pro+主打嘅影相鏡頭方面，今次OPPO喺Reno 10 Pro+相機鏡頭方面真係花咗唔小心機。
Reno 10 Pro+ 設有一組5000萬像素嘅主鏡頭、一組6400萬像素嘅長焦鏡頭，以及一組800萬像素嘅超廣角鏡頭，最後就會有一組3200萬像素嘅前置鏡頭。
而當中主鏡頭及長焦鏡頭就設有OIS光學防手震功能，而且長焦鏡頭仲配備咗超大感光元件，支援最高3倍光學變焦以及120倍數碼變焦功能，睇黎今次Reno 10 Pro+ 呢部手機入邊，長焦鏡頭先係主角。
現在就即刻試試影相效果比大家睇睇~
首先就會試試長焦鏡頭比大家睇睇，長焦鏡頭喺6400萬像素以及超大感光元件加持底下，夜拍效果當然非常好。
成張相片亮度非常足夠之餘，相片喺三倍以及六倍放大率底下，細節保留度亦都好高，顏色處理相當自然，味精味唔會太重，同時都唔會有油畫化嘅情況出現，可以話同其他品牌嘅旗鑑機相差無幾，等我又試多幾張比大家睇睇。
主鏡頭方面，影出黎嘅相效果雖然無遠攝鏡頭咁驚艷，但效果其實都唔差，喺5000萬像素加持底下，影出黎相嘅細節保留度亦都好足夠，同時顏色處理及雜訊處理等，都做得相當唔錯。
等我又試埋超廣角鏡頭嘅表現比大家睇睇~
而喺性能方面，今次Reno 10 Pro+ 採用咗Qualcomm Snapdragon 8+ Gen 1呢個八核心處理器，究竟佢可以用跑分軟件跑到幾多分呢?
跑出黎嘅分數絕對唔差，等我又試下用佢黎打機睇片先~
喺打機方面，Reno 10 Pro+整體感覺都好順暢，無論喺戰鬥或者原野大地圖行走，都比較少有疾機嘅情況出現，而且FPS都好隱定。
而睇片方面，睇Youtube片當然就無問題啦~ 而睇帶有走馬燈嘅新聞片，下邊行走馬燈亦都好順暢，完全無疾格嘅情況出現。
Reno 10 Pro+ 設有兩種顏色，分別係銀灰色以及釉紫色，詳細嘅手機容量以及價錢，可以留意畫面。
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~