公屋女不滿被收樓大鬧房署爆粗罵職員 網民翻舊帳：又唔見收「何太」間屋？

房屋署近期積極打擊濫用公屋，並採取行動收回違規住戶的單位。Facebook專頁「香港人」近日上載一段名為「公屋女大鬧房屋署辦事處」的影片，片中一名公屋女住戶在房屋署辦事處內大發雷霆，歷時41秒。版主指該名女子因「房屋署3次家訪不見人」，所以被「收屋」，於是前往辦事處激烈抗議，並夾雜粗口辱罵職員，版主又指「而家住公屋，人哋家訪搵唔到佢，即跳出來拍職員同小職員」。

影片顯示，該名女子激動地表示：「連續3日管理處叫我搬走，即係好好玩啦係咪啊？」、「你傻X咗啊你！冚家X！X街啦去！」、「我要自由啊！我唔係監犯啊！」，更表示：「我同你一齊返差館我都唔X驚啊！」，被罵的職員躲在牆角，表示要終止對話。

影片在網上迅速瘋傳，引起熱議，有網民認為房屋署家訪安排的手法不妥：「3次家訪唔見人就要收樓？返夜嗰班怎算？」、「人哋唔使返工咩？」、「實在無需要做咁多擾民事情及做法，睇CCTV樓宇大堂内出入情況及電梯CCTV此住戶搭載情況」；支持房屋署做法的網民就指：「正常嚟講，收樓好大件事，房署一定有充分理由」。

此外，不少有網民重提早前鬧得滿城風雨的「何生何太」事件，指「何太」亦多次違規，包括在沒有「加名」的情況下讓「何生」入住其公屋單位，質疑房屋署為何至今都不收回其單位，並指署方「欺善怕惡」。

想緊貼樓市最新動態，記得追蹤28Hse以下平台！

28Hse 網頁：https://www.28hse.com

YouTube：易發睇樓團 (https://www.youtube.com/@28hse_com)

Facebook：28hse.com (https://www.facebook.com/28Hse)