東方日報C1：陳詠詩衰談情人氣跌　庄靜璟反超登頂

今屆港姐14位候選佳麗昨日首度以泳裝會見傳媒，雖然泳裝設計相當密實，但作為「波霸」的陳詠詩、庄靜璟和何詠多成功谷胸突圍。原本是佳麗人氣榜常客的陳詠詩，疑被爆有男友後人氣驟跌，5強不入，令戰況再增變數。

《2025香港小姐競選》決賽定於本月31日舉行，昨日14位候選佳麗獲安排於將軍澳酒店泳池上演一場泳衣騷，分別穿上啡色和淺紫色泳衣示人，可惜泳衣款式密實，不少佳麗的好身材都被埋沒。其中目測陳詠詩、庄靜璟和何詠多的上圍最為澎湃，不過陳詠詩就略嫌腳粗，她表示：「我嘅肌肉好多年磨練而成，唔知符唔符合選美標準？但我好自豪，唔介意。」庄靜璟憑35、24、36的三圍成為現場焦點，又直言不介意密實泳衣遮蓋了大好本錢：「我其實係一個好保守嘅人，之前喺馬來西亞都係第一次着比堅尼，私下唔會着，今日好自在，多人有少少緊張。遲啲決賽着泳裝要打破心理關口，今日係好嘗試。」何詠多樣子甜美兼上圍豐滿，可惜腰部露出士啤胎欠美感，她表示選美至今已減掉4kg：「我係豐滿型，混血兒身形好難減，對身材好滿意，可能減唔到喇！（覺得腰粗？）係，覺得自己好靚，有自信就靚。」

莫凡點都畀人鬧

另外，無綫每周都會公布「網絡最強人氣Top 5」名單，這周排名暫由庄靜璟佔據首位，施宇琪、莫凡、李尹嫣和何詠多緊隨其後。以往皆榜上有名的陳詠詩，早前被本報拍得獲「眼鏡男」接機，其後大方認愛，疑因此影響人氣，直接跌出Top 5，不過她笑言是自己講笑話不好笑所致。

對於人氣稱冠，庄靜璟笑言：「大家都很好，應該是隨機上榜的。」施宇琪則表示自己因擅長講笑話而上榜，而第一次打入Top 5的莫凡，直言沒有因此添自信，反而收到不少負評：「有自信又畀人鬧，冇自信又畀人鬧。（鬧乜？）乜都鬧，鬧我廣東話唔好。（介意網民評語？）我太過緊張，自己都唔收貨。」李尹嫣額頭爆瘡，狀態難免大打折扣，她表示自己是敏感肌，休息不足及長時間化妝導致皮膚變差，又承認大腿結實：「唔係超級滿意，都要有自信，因為自己喜歡自己，觀眾先至會鍾意你。」

更多新聞，請瀏覽東方日報網頁：

https://orientaldaily.on.cc

東網網站 : https://on.cc/東網Facebook專頁 : https://www.facebook.com/onccnews/