王君馨難忘囡囡「第一次」　感激眾人嘅關愛

藝人王君馨（Grace）與老公Daniel結婚8年，早前誕下愛女後，更不時透過社交網大晒特晒一家三口幸福生活，日前為慶祝愛女順利出世嘅佢，更邀請一眾圈中好友李亞男、岑麗香、衛蘭、衛詩、鍾舒漫及鍾舒祺等出席參加愛女嘅百日宴。同時，王君馨亦表示好感謝一眾親友嘅愛，強調任何言語都無法表達佢對大家嘅愛，感激大家陪佢走過呢段瘋狂嘅旅程，尤其係媽媽群組，喺佢夜不能寐、喊唔停口、乳腺堵塞等無數疑問湧上心頭時，感謝大家給予建議。

此外，王君馨亦分享第一次同囡囡見面，初為人母時嘅感覺，記得抱住囡囡喺懷抱時，第一次望住囡囡嘅眼睛，令王君馨感到愛意爆棚，並指湊囡囡嘅時間過得好快，亦感激囡囡契媽傾注所有嘅愛及時間畀囡囡。

而向來同老公恩愛如初嘅王君馨，亦解釋囡囡百日宴以甜蜜咖啡廳為主題，係因為佢同老公20年前喺紐約一間咖啡店墮入愛河，如今佢哋迎來珍貴嘅愛女，因此希望藉此機會，為囡囡留下一個值得紀念嘅百日宴之餘，亦急不及待等囡囡大個之後一齊返睇重溫。

東網網站 : https://on.cc/東網Facebook專頁 : https://www.facebook.com/onccnews/