黃庭鋒突然入院做手術臉色蒼白　驚爆半夜抖唔到氣

現年37歲的黃庭鋒近年被無綫力捧，除了擔任體育及綜藝節目主持外，亦擔正劇集演出，早前更孖住高海寧和周嘉洛飛到英國，拍攝綜藝節目《Grand住去利物浦》。昨日（4日）黃庭鋒突然在社交平台貼出躺在醫院病牀照，原來他最近鼻塞嚴重，睡覺時無法抖氣，要做鼻腔微創手術。

黃庭鋒昨日貼出入院照片，相中的他面容蒼白無血色，一臉疲態，寫道：「醫生，係咪一定要做？醫：做咗係永久的。我：咁好啦！呢個係我嘅病牀，呢兩晚多多指教﹗醒返後會係一個更強嘅我﹗好快見﹗」他未有透露何事入院，只見他寫了「#noseblock」，疑似鼻腔出現問題。

黃庭鋒其後回覆傳媒查詢，表示：「我發覺鼻塞嚴重咗，有時半夜唔係好抖到氣，所以醫生建議做個鼻腔微創手術去改善情況。有時仲影響到講嘢和唱歌，所以想長遠好就踏出呢一步。」黃庭鋒表示手術頗順利，但全日沒有吃東西，所以好肚餓，今日他在限時動態貼出最新狀況，表示：「今日流少左血，好好多了。」