娛圈單打︱過大海即拋巨乳　這機會不屬於你

震撼，真係震撼！馬國女神林明禎向以身材火辣見稱，最近佢過大海出席活動，罕有露出波罅同波邊，巨乳隨即震撼網民眼球！鹹濕仔紛紛大喊頂唔住，鼻血噴足三日三夜！

冇誇張㗎，明禎BB喺IG發片發相，以一襲吊帶拋胸裙出席澳門一個電影活動，巨乳呼之欲出，睇到網民目瞪口呆！女神一雙玉手仲翹實博彩公司男高層，笑淫淫一齊行紅地氈，令一眾麻甩仔羨慕嫉妒恨！嗚呀，希望緋聞男友Edan睇開啲啦。

即係咁，女神不嬲走性感路線，照計輕露一手，冇理由引發咁大轟動啫，但事實並不盡然。明禎BB一直騷在骨子裏，雖然永遠以貼身衫示眾，盡顯玲瓏浮凸身段，但其實惜肉如金，連波罅都極少露出，以致小道消息不絕，盛傳女神巨乳全靠「墊」出來！嗱，家陣女神喺隔籬埠露畀你睇，證明真材實料，八公八婆可以收聲啦！

之不過，見到女神甫過大海即咁鬼慷慨，香港粉絲都有點不是味道，質疑明禎BB係咪要放棄香港呀？佢早前一反常態，竟然以遺失護照為由，缺席電影首映禮，點知轉個頭就被踢爆，人在場外跟粉絲拍照，激到導演彭發紮紮跳。另一邊廂，佢同Edan嘅親密關係升溫，引來爵屎狂轟，受到唔少委屈。於是乎，有傳明禎意興闌珊，決意放棄香港市場，轉投更廣闊嘅大中華地區，澳門正正係佢嘅踏腳石。

唉，呢啲係咪過橋抽板，唔識得飲水思源，本欄都好難評斷，之但係香港市場細，確係不爭嘅實情。點都好，女神心懷大志，香港又可以發揮「走出去」嘅超級聯繫人功能，應該高興呀。

東網網站 : https://on.cc/東網Facebook專頁 : https://www.facebook.com/onccnews/