女神睡衣登場關嘉敏最性感 GM爆喊Sophie心痛粉紅度爆燈
昨晚（13日）播出的一集TVB戀愛綜藝《女神配對計劃》，除了有羅毓儀Yuki組的「三角枱約會」最終回，還有萬眾期待的Dating Camp。當中熱身環節「估睡衣遊戲」，GM憑「蝴蝶結」成功推敲出Sophie睡衣款式，結果同心協力的Sophie三子—林澤謙Him、曾展望GM及富二代林堡熙Eddie，以極速4秒抵達Sophie帳篷。
而數最性感演繹，就一定是關嘉敏的吊帶喱士睡衣。Carman表示「我一定輸硬呀，因為我估佢哋都係覺得我會著Oversize波衫瞓。」對於Carman的睡衣之選，細John讚不絕口謂：「嗰吓我都心諗，嘩，你都carry得幾好！」細John還真情剖白自己在愛情中是慢熱型：「本身Carman同Matthew比較close啲，所以我入呢個camp時，我係好希望搵番自己嚟到呢個節目嘅目的。」
昨晚一集還剪輯今次Camping中長約1分半鐘的互動預告。女神除了與自己組的求愛勇者有互動，亦會與其他女神組的求愛勇者合體玩遊戲，例如葉蒨文Sophie將與羅毓儀Yuki「交換最愛」—曾展望GM及林俊其Kris，意味著眾人關係及感情發展每一刻都充滿變數。片段所見，近乎已變成「GM嫂」的Sophie，先後會與林澤謙打勾勾、及與Eddie用口傳紙杯，誓要刺激GM心臟。不過一開局已贏在起跑線的GM，則似乎獲得獨享一親Sophie香澤機會。
除了充滿變數，Dating Camp還充斥無限「情緒炸彈」，當中李芷晴及關嘉敏更哭成淚人。李芷晴接受製作組訪問時，坦言擔心自己會孤獨終老：「太理想化咗所有嘢……我都好擔心我會唔會孤獨終老！」。至於關嘉敏則未知是否家中發生特別事故，一度無助爆喊兼向監製哭訴：「佢嘔血呀！」。而向來笑面迎人的GM，亦真情大爆發：「係咪每次我一笑，就（好似）咩都冇做咁呢？」面對哭得得孩子的GM，Sophie一臉心痛、擔心兼憐愛，粉紅度爆燈。
今次Camping還發生不少突發事件，Sophie失驚無神唔見電話、搞到GM大費周章周圍搵；芷晴於組員忙著劈柴生火時，一度露出狀甚痛苦表情，令習慣木獨的Jacob亦忍不住主動慰問：「你點呀你？！」而向Step遞水送暖的，則是Yuki組的醫美太子爺Kenneth。