劉穎匡女友拍「女性向動作片」　Emilia：劉生求我拍AV

現年30歲、中大法律系畢業的網絡紅人黃于喬（Emilia Wong），其拍拖超過9年的男友劉頴匡在47人初選案中被判刑4年5個月。由收押所到監獄，近年Emilia都把握每個探訪機會。Emilia曾向傳媒透露，經常被劉穎匡逼婚，但她形容兩人已超越夫妻關係，不需受任何定義限制。的確，Emilia曾公開表示：「劉坐監4年多期間，我已經date過不少人，拍過幾次拖、分過幾次手」，直言討厭被加諸「好女人」形象。

Emilia日前宣佈推出首部自導自演廣東話女性向愛情成人片《18cm的戀愛》，由她與現實伴侶親自出演，全長約7分25秒。Emilia介紹影片：「因為生理上太喜歡依家嘅仔仔，我地（哋）太夾啦！商量後決定突破性同佢拍吓純愛愛動作片。益下街坊。事先聲明！非常女性向！有裸露、性愛、出出入入鏡頭，Emilia同仔仔都有訓（瞓）身用力做（不是演出）。俾大家體驗吓Emilia現時幸福又荒淫嘅生活」。

《18cm的戀愛》的宣傳推出後，不少網民留言表示替劉穎匡難過。Emilia在限時動態表示：「講返劉生嗰度，佢求咗我拍AV起碼10年。我依家先拍，係終於實現願望（雖然我唔係為咗佢拍啦下）」、「劉生係經常求我，求我拍愛情動作片、出寫真、影大尺。佢求咗10年，係我唔肯。佢個logic 係：佢覺得我真係好正，正足10+年，覺得我應該造福世人，同埋俾全世界睇清楚我幾正，等佢威下之類。但我從來冇理過佢想我暴露，我堅持比佢期望的保守，所以某程度上，班無知嘅人唔係錯，我的確違反劉生意願，因為劉生係想我瘋狂拍XXX嘢、大解放，而我係從來唔聽佢講，永遠按自己喜歡嘅尺度去拍，which比劉生想要嘅係低好多。」

於1995年出生的黃于喬（Emilia）現年30歲。畢業於拔萃女書院和香港中文大學法律系，曾擔任中大學生會常務幹事。多年來主張「女性身體自主」，反對一切性別不均。曾因舉報偷拍Telegram群組「街拍谷」而受到傳媒及網絡廣傳。Emilia透露，於Patreon售賣性感照的收入令她在2018年已賺夠買樓。