周吉佩與500粉絲同行　乘專列到廣州開唱

「中年好聲音」大師兄周吉佩（吉吉）到訪廣州舉行「夏日音樂之旅」，並邀來好友顏志恒及魏嘉信擔任嘉賓。「喊包三兄弟」成功合體，與約500位歌迷日前早上齊齊現身西九龍站，參與啟動「吉吉專列」起步禮，齊齊高喊「吉吉，廣州見！」，為吉吉的廣州之旅揭開序幕。

啟程儀式後列車將直達廣州，而出發前吉吉不忘先與在場歌迷大合照留念。吉吉表示：「今次第一次喺廣州舉行音樂會，心情好興奮，終於可以見下廣州嘅歌迷。今次音樂會最特別係同埋香港嘅粉絲一齊出發，大家都好興奮，之前同佢哋去過塞班島，今次轉去廣州玩，都期待再同佢哋到訪其他地方，好似一齊去馬來西亞食榴槤啦。」

而廣州音樂會則於昨晚（12日）舉行，今次以「夏日」為主題。談到「喊包三兄弟」兩位好兄弟顏志恒及魏嘉信，吉吉即謂：「今次咁難得嘅機會，梗係搵埋佢哋兩個一齊唱歌啦。我哋三家人又可以趁機一齊玩吓，真係好開心。今次佢哋兩位係嘉賓，但希望不久將來我哋3個有機會一齊開騷啦。」

東網網站 : https://on.cc/東網Facebook專頁 : https://www.facebook.com/onccnews/