滕麗名視網膜脫落原因曝光　被呢位《愛．回家》演員整親

藝人滕麗名今日（12日）現身銅鑼灣出席品牌活動，她表示為品牌代言了4年，首次擔任一日店長，以為要賣貨但不用，問到她懂得推銷嗎？她笑指不懂但覺得自己應該幾勁，因為平時很喜歡逛超級市場，可以行足幾粒鐘，每樣件貨品都仔細看說明書看成分。問到她是否想讀營養學？她則表示：「想啊，但老公唔畀，驚我鑽牛角尖，我已經當佢係白老鼠，佢驚我讀埋佢更加白老鼠，佢完全唔知自己食咩保健品，我比咩就食咩，信者得救。（你負責佢身體狀況？）係，我孭飛，其實我覺得我照顧得都唔錯。」又指還會成日煮飯比老公食，主要健康為主，感慨眼見身邊朋友開始病，加上自己諱疾忌醫，都會比較擔心，所以前排Body Check完一切安好比較放心。

至於近日劉洋加入《愛．回家之開心速遞》扮演「細曹總」，阿滕讚他很像「曹總」，又表示自己很喜歡劉洋，因為總決賽有睇他表演，很喜歡睇人唱歌好Enjoy，劉洋笑得好開心令她睇到入迷，又指平時劉洋平時看似好Cool，但原來好怕醜，笑言依家行過成日逗他，對於二人暫時未有對手戲，阿滕則表示很希望加點對手戲戲份。

提到她早前在社交平台自爆視網膜脫落一事，她解釋道其實之前拍攝《愛》時試過被袁文傑意外用手插傷眼睛，搞到爆血，嗰陣以為無事，但後來右眼突然矇矇地看似有黑色蟲仔，即刻求醫後才發現，原來視網膜的窿經過受傷會變大，令她的視網膜有9成脫落，好彩趕得切做個小手術，否則就要一個禮拜休養。

東網網站 : https://on.cc/東網Facebook專頁 : https://www.facebook.com/onccnews/