女神配對計劃｜羅毓儀失守沉船　被林俊其壁咚全方位攻陷

無綫真人騷戀綜《女神配對計劃》明日（13日）會播出女神羅毓儀(Yuki)組的「三角枱約會」最終回外，還會宣布首輪遊戲將淘汰兩名求愛勇者，以及萬眾期待的後生仔女開心去camping玩dating環節。Yuki在「三角枱約會」最終回中原本對林俊其(Kris)充滿戒心及疑心，最後玩「壁咚」遊戲時全面Yuki終失守沉船，Kris未埋位時，Yuki已大叫：「救命我想走！」一開始就迴避Kris問題：「咩呀？」、「我聽唔明，你講多次」，Kris更索性單刀直入問：「你話xxx，咁係咪即係承認對我有心動過？」令Yuki不知所措，再一次求救「吖！救命呀！」十分搞笑。並強調：「我冇心動過，冇呀冇呀！」之後更眼泛淚光謂：「救命呀，我走先，要匿埋」，非常可愛，現場花生團和主持兼金牌經理人林盛斌（阿Bob）都表現得很雀躍，黃嘉雯：「佢（Yuki）唔想望佢喎！係咪即係有感覺呢？」江美儀肉緊大叫：「紅都面晒！」

Yuki好友T.Max在「壁咚」環節中，預先準備好秘密武器「排球少年扭蛋公仔」，作出愛的告白：「我記得當初我喺日本時應承你，我要將呢一個畀你，但依家少咗一隻，我真係希望有機會可以同你一齊去日本，一齊扭番淨低嗰隻…你係真係令到我想重新相信愛情嘅人。」由於T.Max勁真誠，花生團兼Yuki唉吔媽咪江美儀即歡呼嗌：「So Sweet」又指：「阿女真的感動了」。

東網網站 : https://on.cc/東網Facebook專頁 : https://www.facebook.com/onccnews/