表演失準愧對消費者？鍾舒漫自責：唔知生存為乜！

歌手鍾舒漫（Sherman）今日（12日）出席商場活動，提到早前在廣州開巡唱時表現失準，遭網民大肆批評，她表示當日綵排時一切正常，但踏上舞台一刻突然發病，聲帶不受控制：「其實我離開舊公司後，收埋咗自己兩年，就係去治療聲帶問題，2022年好返先工作，但今次唔知點解再復發，唔排除係壓力問題。」

她透露現時康復當中，自己也有繼續拍攝節目《聲秀》，並謂一直有調整生活及積極面，狀況已愈來愈好。對於表現失準，她知道令消費者不開心，自己也需要時間沉澱，直言：「演唱會第二日，我心情跌落谷底，好自責同愧疚，唔知生存為乜，冇咗人生意義，但我知道我一定要重新振作，今日出嚟面對大家都算係振作咗。」

至於可擔心歌迷對她失去信心？她無奈表示：「要失就失，我控制唔到，但『老粉』好錫我，唔會一次就斷定我係咩人，其他人點睇车我控制唔到，我只可以過好我嘅生活。」Sherman坦言有看過醫生，但對她的病症沒有一個肯定答案：「我自己搵資料，發現『選擇性啞巴』係最接近我嘅徵狀，好似突然畀人勒住條頸發唔到聲，有人問我係咪肌肉痙攣，但我覺得唔似。」

東網網站 : https://on.cc/東網Facebook專頁 : https://www.facebook.com/onccnews/