愛‧回家｜劉洋演「細曹總」跟原版極似 網民憂「龔水」有危機

《中年好聲音3》季軍劉洋加盟無綫處境劇《愛‧回家之開心速遞》，飾演曹總（劉一飛飾）的堂弟「細曹總」，昨晚（11日）一集登場，與呂慧儀飾演的熊若水有大量對手戲，角色跟他本人一樣，要講一口「唔鹹唔淡」廣東話。

劉洋身穿恤衫沒有扣頭兩粒鈕、外配棗紅色西裝，梳上蛋撻頭並架上金絲眼鏡，就和曹總餅印一樣喜感十足，播出後網民亦大讚劉洋學得相似，包括語氣和大老闆的架勢，引來大批網民討論：「神級相似！」、「洋洋，好得意。」、「如果再有龔燁vs細曹總就最好睇喇！」、「龔水黨（龔燁熊若水）最大危機出現了！」等。

劉洋與對手「熊若水」呂慧儀受訪，身為演戲初哥的他，十分擔心自己的表現，害怕耽誤工作人員時間。呂慧儀大讚劉洋初次演戲表現出色：「你兩個真係好似，你唔使太緊張咬字準唔準，聽得明白嘅，同埋𠵱家咁樣嘅感覺同造型，真係一模一樣，回憶返晒嚟！」

（即時娛樂）