林盛斌Bob自抽撞樣「南京紅姐」　有信心「條隊尖沙咀排到上廣州」

近日網上瘋傳內地一名「南京紅姐（又稱紅大爺）」偷拍性愛片放上網被捕，他在片中戴假髮扮女裝，不少事主到現場才發現其真實身分，仍無阻二人展開剎那激情，獵奇「千人斬」事跡連日來成為網民熱話。曾多次扮女裝的林盛斌（Bob）亦未放過抽水機會，他在社交平台上載過去的反串造型，搞笑自認「單嘢係我做嘅」，多位圈中好友包括胡定欣、袁偉豪、朱智賢、陳敏之等紛紛留言，大讚Bob的女裝扮相更勝「紅大爺」。

林盛斌在IG上載過去在無綫節目反串角色「營業部徐小姐」與「紅大爺」的對比圖，同樣都是齊陰假髮及紅唇造型，留言表示：「算啦，我認啦，其實單嘢係我做嘅。如果佢都可以食到千幾個小鮮肉，咁我條隊咪尖沙咀排到上廣州！講真，邊個靚啲？你想溝邊個多啲？唔准諗，即刻答。最多我唔使你買牛奶、花生油同用品嗰啲。」不止Bob自信爆棚，更獲大批網民留言「真係你靚啲」、「好有女人味」等，更有人指以Bob的外型可以「萬人斬」。