富商鄔友正參加《中年好聲音4》 做「炎明熹師弟」黑雨照上堂
海馬牌床褥創辦人兼七海化工集團主席、現年71歲的鄔友正是《中年好聲音》的忠實粉絲，亦是《中年3》的贊助商。鄔友正曾表示會爭取成為下屆的冠名贊助，而他亦自爆決定報名《中年4》。日前鄔友正在小紅書以「70歲的第二春」為題，透露自己近年愛上唱歌，「感覺自己在熱戀中」。他表示：「人老了，更加要有目標，有夢想，所以決定參加《中年好聲音4》」、「8月24日，《中年好聲音》四海選了！旗開得勝！」。
鄔友正透露太太翁嘉穗閨密介紹唱歌老師給他，就是炎明熹的唱歌老師高晨維（Cleo）。不過由於鄔友正之前曾骨折，正在休養：「屋漏兼逢夜雨，本來8月31日的海選，提早到8月24日！ 腳傷兼小七日練唱歌，朋友都勸我退選！ 而且，我是一生人第一次面對評判，朋友都擔心我太緊張！ 不過不到黃河心不死，人生點都要做一次以前未做過的事情！ 雖然練習的時間好短，但照參加比賽，期待奇蹟出現！ 反正現在動彈不得，唯一可以做的事情就是坐着唱歌！今次骨折，不能走動！是否天意，逼我坐着練唱歌！我可能是第一個拿着拐杖參加比賽的新人！八仙之首係鐵拐李；我係參賽鐵拐友。」
鄔友正的唱歌老師高晨維昨日（8月5日）在社交平台分享兩人合照，大讚他不怕黑雨水浸堅持上堂：「風雨不改，每朝坐一個鐘車，準時10:00黎到學習，繼之前Gigi、Felix、Yuki、Raymond係無嘢可以阻到佢上堂之後，又一位即使黑雨、全港水浸，都無阻佢向著夢想前進的勇士！」。
高晨維大讚鄔友正不怕悶，從他身上「體會到成功嘅人為甚麼成功」，她寫道：「一個對音感、拍子完全無認識嘅商人，今日先知佢連Facebook、IG都無用，一心只係做好生意同家庭第一，今次有一個參加《中年好聲音》的夢！短短時間，佢努力急起直追，每日重重複複練習，佢不但無叫悶，無hea，受傷前佢兩個鐘頭都係企喺度唱，為練好氣，我叫佢坐下佢都話唔洗！喺佢身上親身體會到成功嘅人為甚麼成功！毅力、不怕辛苦、不怕悶、不放棄！好！無論走到幾多步，盡力就好了！每個人心底都一定有夢，勇敢追一次，又有甚麼可怕呢？」。