《女神配對計劃》真撻着？羅毓儀林俊其街頭拖手斷正

無綫節目《女神配對計劃》成為全城熱話，多對CP發展備受關注，其中羅毓儀在節目中對林俊其嗒晒糖，更上演咬耳仔Sit Up，表現曖昧，近日有網民竟捕獲兩人在旺角街頭，更斷正手拖手行街，疑已經撻着！對此羅毓儀親認是相中人，更大方坦白與林俊其有私下約會了解：「我尋日開工開咗好多個鐘，咁啱Kris都有返公司，所以收工後就出咗去食飯，同埋自從camping後，我哋私下都有見面，因為節目組都講過完咗camping可以私下約會了解。」

講到手拖手，她就解釋：「我哋嗰個位要過馬路，Kris就好有風度拉住我過，佢平時都好take care我，但過完佢就冇特別放手，我又唔知點好，但過咗陣，佢就同我講sorry然後放開咗，我諗佢可能都怕我介意，因為始終我哋又未一齊。」表明尚未正式拍拖。

東網網站 : https://on.cc/東網Facebook專頁 : https://www.facebook.com/onccnews/