曾展望被葉蒨文誤解　委屈落淚解開心結

無綫戀綜真人騷《女神配對計劃》，17日晚播出第11集，將是Dating Camp最終回，「國民CP」葉蒨文（Sophie）與曾展望（GM）（2人組合簡稱GS）的真情對話！GM難得一見不再「玩玩吓」、改為「認真Tone」向女神真情剖白；雖然觸發點只是「幫Sophie搵電話」，但自覺被誤解的GM剖白時，仍數度委屈至哽咽兼落淚，呈現GM坦誠及純粹一面，亦會明白他內心的脆弱。

貴為「國民CP」的GS藏暗湧，Sophie不止一次覺得GM跟林堡熙（Eddie）比不夠主動，Sophie有感GM幫忙找電話未夠積極，並於分享時說了一句：「GM好似後尾係Feel到…」，並向花了足足3小時幫自己找電話的Eddie道歉。Sophie簡單的一番話，嚴重觸動了GM神經，當場已藏不住低氣壓的GM明顯冇晒心機，事後GM向製作組重提事件時，仍心有不甘謂：「好快發現係咩？即係我冇畀心機搵咯，我係覺得佢好似緊張Eddie多過緊張我，我係有啲唔開心。」

之後在單對單真情對話環節，GM主動找上Sophie為自己辯解，包括不主動是因不想被感到霸住Sophie，還有為了Sophie已展現了應有的男士風度，及幫Sophie找電話時絕對很努力，最後又表示十分緊張及重視Sophie對自己的看法。GM說：「我唔想令你覺得我懶懶閒，唔在乎，我唔係咯」、「其實其他人誤解我唔係好着緊，我淨係緊張你有冇誤解我」、「係咪每次我一笑，跟住就（代表）咩都冇做咁哩…」。當他提到被誤解找電話不夠落力時，深感委屈的一再哽咽、數度難過至說不出話，去到最後更流下男兒淚。GM出乎意料的脆弱令Sophie方寸大亂，一再出招安慰及氹GM之餘，自己亦忍不住被感染落淚，充份展現了她對GM的共情。

雖然委屈又難過，但GM 最後不忘向Sophie大派定心丸：「我淨係想同你講我好緊張你。」當得到Sophie肯定時，眼眶仍帶着淚光的GM破涕為笑，並纏着Sophie冧豬地說自己想主動message聯絡她。Sophie事後接受製作組訪問，坦言全盤接收GM的真心、真摯及真誠：「其實呢個都係我鍾意GM嘅其中一個原因，就係佢一啲都唔會假同造作，佢唔識咯，所以我覺得佢嗰吓係真情流露，佢真係好努力，佢都真係幾鍾意我。」

被GM嚴重觸動的Sophie，事後與Eddie真情對話時，最初仍藏不住眼淚，Eddie見狀即體貼地主動送上慰問：「有咩忐忑呀？或者你諗咩，講吓你自己？」Sophie聽畢即感嘆參與《女神》真人騷拍攝，令她看到了很多意想不到的真實人性：「好多人都問我，係咪有劇本，我從來答人都係『起碼我好真』…啱啱我覺得係原來好多人都好真，我覺得好特別呢個體驗，我覺得會好多年之後都會好難忘。」

Eddie聽完即把握機會展示真心，並承諾適當時機會主動邀請Sophie 再進一步：「我覺得我係冇睇錯，我哋享受嘅幸福係同一樣嘢，譬如我做一件 事，我覺得好開心，我望過嚟，原來你都好開心架喎…」、「暫時我想確保大家個Feel啱，我搵到我搵嘅人啫，唔代表你搵到吖嘛。」Sophie組組員無論顏值或能力值都高人一等，被視為競爭最激烈的一組！

自知在Dating Camp表現遜色的阿Him，在最後衝刺期亦有把握機會向Sophie表達愛意：「我真係鍾意你，我想有呢個機會你可以做我女朋友…或者呢兩日傾少咗嘅嘢，可能之後去做番晒出嚟，係我對你嘅Promise。」

東網網站 : https://on.cc/東網Facebook專頁 : https://www.facebook.com/onccnews/