姚焯菲不理反對赴美讀大學　未拍過拖唔介意姊弟戀

姚焯菲（Chantel）於新西蘭完成2年高中課程，今年9月她將滿19歲並入讀大學，為最新派台歌《KMC》宣傳的她接受電台專訪，一如她的新歌《KMC》寓意要做自己。節目中，Chantel親證本已獲香港兩所大學取錄，至於為何不理公司反對赴美國再走，她說：「有啲嘢我認為啱嘅就要去做！」當下目標只有學業及事業，更自揭於新西蘭為專注學業，曾將追求者推開：「我唔想有任何因素影響我認為最重要嘅讀書。」

Chantel坦言考慮了一段日子才決定赴美國紐約大學繼續升學，她說：「兩年前去新西蘭係無忐忑嘅，因為係被迫嘅！但去完之後，又覺得係好好嘅成長機會，學識獨立，每次返嚟工作都好開心。」她於新西蘭高中成績驕人，登上學校頂尖學生榜獲Top Scholars榮譽，被揭IB文憑試考獲40分或以上成績獲封「學霸」。

對於消息指本地港大及科大均已取錄她，她說：「係！」至於為可不入讀本土名校，她說這次不關父母事：「佢哋反而想我留喺香港，近返啲屋企。好坦白，我都考慮過，差啲就留返響度。但認真諗咗好耐，不斷同屋企人商量，因為香港無呢個課程，我真係好想讀Music Business。想知呢行點運作，又有law、音樂製作同市場學，呢一行我想知嘅嘢都有得讀，對將來好有用。」Chantel指父母選擇尊重她長大後的決定，至於無綫必然反對，她說：「哈！又唔好咁講，反對聲音一定有，我相信你都會愕然，但有啲嘢我認為啱嘅就要去做！」

Chantel亦不擔心娛樂圈或粉絲善忘，承諾一如過去兩年離港，未來4年赴美讀大學，一有休假就會回港全心投入工作及出歌，自認專注力強，在新西蘭兩年曾為免影響學業而拒絕追求者：「係有追求者出現，對方唔係咁直接示愛，但我哋不斷有傾偈，會感覺到。但我唔係咁想回應對方，就係因為讀書嘅關係，我唔想有任何因素影響我認為最重要嘅讀書。當我好想做好音樂同讀書嘅時候，我會不顧一切做好，會怕其他嘢影響到，好自然會push away。」

快19歲的Chantel指自己未算有過一段真正男女朋友關係：「試過好細個拖吓手，但唔算係一段關係。」談到理想對象的條件及對戀愛憧憬，她說：「條件係唔可以細過我，細個會夢想好後生廿歲頭就結婚，但得返幾年要重新諗過，希望30歲啦！」

這次回港先後跟多位圈中男神，包括MIRROR成員Tiger及周嘉洛合作，問Chantel哪一位是她的理想對象，她說：「哈！佢哋都未必係我理想類型，但每個人都有佢嘅Charm。Tiger係比較靜嘅人，我鍾意啲人唔會太嘈，呢方面佢都幾好；周嘉洛就好嘈，但佢好搞笑好幽默，我幾鍾意同佢講笑，佢會搞好多爛gag，令到拍《愛回家》成個氛圍好好。」她重申入行後，父母都沒有禁止她拍拖：「爹哋媽咪無特別反對，佢哋知我目標，或者再大啲，我仍然係呢個諗法，到時或者會擔心我無拖拍，哈哈！」

東網網站 : https://on.cc/東網Facebook專頁 : https://www.facebook.com/onccnews/