鞏姿希加入《愛．回家》做鐘點　周嘉洛劉丹爭住寵

有出自然有入，說的是無綫處境劇《愛．回家之開心速遞》的角色，前日（4日）播出一集，就出現一張新面孔，正是2018年曾參選港姐、精通五國語言的鞏姿希（Krystl），飾演由周嘉洛請回來的鐘點姐姐「Honey」，Honey是家務高手，一個人便將熊家打掃得一塵不染，連馬桶都洗到立立令，最搞笑是Honey做晒gel甲卻去洗馬桶，反差甚大。

Krystl在社交平台分享劇照，「愛回家真係一個超溫暖嘅劇組，老實講…我唔太滿意自己今次嘅表現，但大家無鬧我，反而Very Supportive。處境劇比想像中困難好多，多謝嘉洛畀咗好多好多tips我，仲有丹爺，真係同『根叔』一樣咁暖心，同佢哋兩位對戲…唔係講笑，真係好好彩。」

Krystl回覆東網表示Honey算是近年比較多戲份的角色，充滿挑戰性，自言拍劇經驗不多，發覺處境劇跟正劇很大分別：「嘉洛有教我點令小動作變到好笑，學到好多嘢，丹爺（劉丹）好好人，第一日拍完放飯，我坐埋角落食，丹爺叫嘉洛嗌埋我過去食飯，得到前輩照顧好開心。拍時都有NG，一NG我就好緊張，好彩大家好鼓勵畀信心我。」Krystl之前參加《全能司儀選拔大賽2022》曾經被人批評為花瓶，她希望多試多演，目標一步一步進步，洗脫污名。

《愛回家》演「賈名媛」的邱芷微（Chelffy），近日就憑角色高傲兼腌尖聲氣的態度獲得搵錢機會，用「賈名媛」角色拍廣告。不過Chelffy表示當收到劇本時，有點擔心：「劇本要同品牌老闆做對手戲，都擔心角色要講嘢奄尖聲氣會嚇窒對方，溝通完先知，原來係老闆自己親自度稿，所以我都放膽做喇！」她都有分享演處境劇的經驗，自言戲如人生人生如戲，自然就對鏡頭沒有壓力了。

東網網站 : https://on.cc/東網Facebook專頁 : https://www.facebook.com/onccnews/