范麒智處男作挑機郭富城　見面即勸交緊張到手震

憑台灣BL劇《靈魂約定》為人認識的范麒智（Kenji），首次登上大銀幕，處男作即夥拍影帝郭富城，早前他出席電影《無名指》首映時，透露最難忘首天開工就要同跟郭富城、鄭丹瑞演對手戲，他說：「今次電影嘅陣容相當鼎盛，有郭富城、鮑起靜、鄭丹瑞和許恩怡，人生第一次拍戲，就同咁重分量演員合作，所以一開始就好緊張，第一場戲仲要喺鄭丹瑞和郭富城鬧交中，我去做和事老，呢場戲緊張到手震，NG咗兩次，但拍攝時係好enjoy，可以同城城對到戲，真係好幸運。」感謝前輩對他評價讚他演得自然，為他注了一支強心針。而他與許恩怡也有不少對手戲，由於許恩怡角色需要長期坐在輪椅上，他就要做「阿四」，其實私底下二人相處模式跟電影一樣，經常要替她拿東西。問他甘願做「阿四」？他笑言：「冇話慣唔慣做阿四，我本身係獨生子，平時生活上好多嘢都係自己處理同解決，冇兄弟姊妹，連做阿四嘅機會都冇。」

東網網站 : https://on.cc/東網Facebook專頁 : https://www.facebook.com/onccnews/