廖慧儀拍片爆喊被質疑造假　「影低記錄病發日期時間」

現年29歲的無綫小花廖慧儀（Jessica），2020年參選港姐入行，因參選前任職空姐兼作風大膽而被封為「狂野空姐」。同年她傳出與藝人孔德賢緋聞，前任男友張家俊（Sam）隨後在油麻地墮樓身亡事件，令廖形象受創，一度遭無綫雪藏。近年她逐步復出，憑《港女野人》系列及台慶劇《黑色月光》逐漸走出陰霾。

然而，廖慧儀近日再度流露情緒低落。她昨日（21日）於個人社交平台上載一條在鏡頭前崩潰落淚的影片，並配上歌曲《脆弱的女人》，留言道：「『我們都是第一次活，手忙腳亂是正常的。』2025年8月：九個月了。希望這個小魔怪不要再來找我，如果再來的話，我相信都會輕鬆駕馭得到的。呢一年同佢共處，消耗了好多好多時間同耐性，也感謝最親的你們忍耐我。」外界估計她口中的「小魔怪」指的是困擾多時的情緒問題。

廖慧儀續寫道：「今年忍唔住講咗好多次『我覺得唔得喇』，但都要不斷說服自己『我相信自己得』、『我相信所有嘢都會變好，一定會好返』。吸引力法則吸到我來到8月了，一直都有好想變好的決心，多謝你們，多謝自己沒有放棄。」她又指，29歲的自己體會到身邊有不少疼惜她的人，但最終仍需學會獨自堅強面對，「做一個獨立、堅強同勇敢嘅人絕對係我嘅課題。仲有一年就3字頭喇，人愈大愈享受一個人，又可以話人愈大愈要學識『享受一個人』。就算一個人受苦都係一種享受。總結：如果你唔開心就去跑啦，跑完會好啲㗎。」

影片曝光後，好友何泳芍、黃紫恩、朱智賢、李旻芳及鄧伊婷等紛紛留言打氣。何泳芍留言：「係鏡頭面前笑係一種堅強，將脆弱嘅一面表露俾人睇更加需要勇氣。願能在救贖的路上和你結伴同行。」黃紫恩則寫道：「睇到眼濕濕😭 Jessica加油，想同你講你已經好叻了，願意接納、願意同佢並存而冇選擇去逃避，我明白你，我哋一齊行過去！」

不少網民亦留言鼓勵：「支持你，頂住」、「唔好喊啦，無論你做咩嘢都好，我都會支持你」。但亦有人質疑：「邊有人喊會拎手機影住自己？」對此，廖慧儀解釋，拍片是為了記錄病發日期及當時狀態，「就好似健身嘅人都會影低自己食咗啲咩、幾時食。我覺得呢個方法好有用，會睇到自己嘅改變。」