姜濤「出關」晒鬚根大V面　狀態回勇無懼再到海邊

MIRROR人氣成員姜濤（Keung To）自今年6月24日西環墮海獲救後，一直低調閉關調整身心。他今晚將在澳門出席國際音樂盛典，正式「出關」亮相舞台。他在騷前在社交平台貼出罕有鬚根照，又再貼出在海邊的照片。

姜濤先在IG限時動態上傳半臉自拍，相中沒剃鬚的姜濤，展露其鬚根V面，與過往白淨清爽形象截然不同。照片中，他穿著背心，更凸顯鎖骨與肩頸線條。

除了自拍，姜濤今日亦公開準備前往澳門演出前，在海邊碼頭取景的照片，可見他自6月不慎墮海後，已無懼重回海邊。

騷前，他又分享剃鬚後的後台素顏照，更罕有露出額頭，皮膚光滑，展露微笑，心情狀態看來不錯。

一眾粉絲紛紛留言盛讚他瘦身有成，並預祝他演出順利：「姜姜心情大好😍露額姜好可愛呀」、「露完鎖骨又露額頭 ，咁真係搞唔掂噃 🫠，我今晚仲要睇直播㗎」、「有阿姜嘅鬚（Show），一定係GOODSHOW」、「件背心仔同心口仔好吸晴喎，姜姜知道你好努力準備，今晚等你炸台」、「呢個男人想點呀，一時就曬鬚根相 ，一時就夾住個頭，個樣又好baby，加油呀，Good Show」、「靚仔到唔認得，好期待！」。