葛綽瑤好酒量千杯不醉　爆許寶恆飲醉搵老竇抬走

藝人葛綽瑤（Yoyo）與許寶恆（Alice）為旅遊節目《偽鐵膠遊九州》乘坐火車和電車，花了16日時間先後到九州7個縣取景拍攝。兩人除了預告在節目中會突破性感尺度騷香肩美腿浸溫泉，兩人指每日除了拍攝品嘗美食，每晚也會外出吃消夜消遣飲番兩杯，去到拍攝尾聲，有晚大家更高興得變成「劈酒」，Alice自認「醉爆」九洲，她笑說：「又未去到好醉，keep住話好攰、要返酒店，但佢哋竟然仲有下場，去到下場我就攤咗喺度瞓覺，佢哋就喺度唱K。」

Yoyo被問到Alice飲醉酒可有搞笑事﹖Yoyo笑說：「佢會不停咁講韓文、英文、日文，所有國際語言都出晒嚟，仲攬住我嚟錫。」Alice指飲醉酒就會黐車Yoyo，故相當放心，又強調平日也不多飲醉酒：「佢哋sent返啲相畀我，我都覺得有啲丟架。」Yoyo說：「佢飲少少塊面就會好紅，以為佢好醉，其實佢唔係，純粹眼瞓，因為行程都好緊密，只係飲得high咗啫，冇醉、冇嘔嘅 。」Alice指當晚太開心，大家喝了多支清酒、燒酒，更杯杯清，問到Yoyo可有喝醉﹖Alice則指她酒當水飲是「千杯不醉」，Yoyo則說：「又冇醉，係high，平時飲都係同屋企人飲多，但對上有次飲得好多係公司BBQ聚會，係人生飲得最多酒嘅一次，咩酒都有，但係都冇醉，仲要call車送Alice屋企，仲打埋畀佢爸爸。」Alice笑說：「係呀，最後要我爸爸同細佬出嚟村口托我返屋企，哈哈。」

東網網站 : https://on.cc/東網Facebook專頁 : https://www.facebook.com/onccnews/