女神配對計劃｜羅毓儀學生Look吸睛 葉蒨文遭拍枱聲嚇窒

無綫戀愛綜藝真人騷《女神配對計劃》後晚（24日）播出第12集，5位女神葉蒨文（Sophie）、李芷晴（Stephanie）、關嘉敏（Carman）、羅毓儀（Yuki）、梁敏巧（Maggie），及9位求愛勇者曾展望（GM）、林堡熙（Eddie）、林俊其（Kris）、黃家俊（Matthew）、細John（姜卓文）、陳衍丞（Kenneth）、海淦清（T.Max）、林焌堯（Jacob）、劉啟進（Matt）將穿上校服，在班主任林盛斌及黎芷珊帶領下與3名神秘踢館者上演一場「那些年，我們一起追的女神」。

5位女神之中，Yuki、Sophie及Carman均以孖辮形象現身，當中以Yuki的學生形象最有說服力。她現身時，現場所有女性及男性全線歡呼，Matthew大叫：「呢個真係學生妹﹗」Yuki組的唯一組員Kris則含羞答答地說︰「孖辮幾好睇，嗰吓嘅感覺直情想奔去課室同佢傾偈。」Sophie的孖辮學生Look獲GM稱讚是「我見過最靚嘅學生」，Eddie亦說︰「諗起學校入面好鬼多嘢講嘅孖妹組合，但個Look幾好睇嘅。」Sophie自言求學時非乖乖女：「學生時有啲我行我素，都好嘈同好曳吓。」

3位踢館者身分神秘，官方宣傳以「健美先生」、「足球教練」及「遵守約定」來形容他們。他們身形高大、氣勢凌人，有人自信挑機，有人直言目標是「攻入女神龍門」，亦有人堅定表態「永不放棄」。面對挑戰者，原本爭鋒相對的9位求愛者瞬間團結，反擊互撐，更大力拍枱企圖嚇退踢館者。細John霸氣宣言：「我哋已經ready咗插班插班生。」由於拍枱聲震撼全場，Sophie被嚇窒︰「好大聲呀，做咩事，我覺得似嚇到我，多過似嚇到嗰3個人！」

（即時娛樂）