林溥來瘋狂糟質李佳芯　被譚俊彥真打爆晒缸

譚俊彥與李佳芯主演的無綫劇《麻雀樂團》播出以來好評不斷，在最新播出一集中飾演變態殺人狂的林溥來（Patrick Sir）更令人眼前一亮，網民大讚他入型入格兼有「雨夜屠夫」Feel，Patrick Sir接受訪問時笑言自己事前有為角色設計「望人唔眨眼」狀態：「我拍之前就定位咗個角色係隱藏性變態，所以我就設計咗佢望人會望得好深入、望到好似要睇穿晒對方咁，同埋眨眼次數會偏少。」

對於在劇中要連番糟質李佳芯（Ali），他坦言壓力很大，感激Ali交足戲幫助他入戲之餘，又透露拍攝時有催眠自己要當Ali是「心愛的玩具」幫助入戲：「Ali好幫到我，譬如我對佢做變態嘢，佢做到好驚嘅反應，咁樣會令我更易入戲。同埋為咗更忘我，我有催眠自己要當Ali係玩具咁過份溺愛。」

除了糟質Ali有難度，他又提到昨晚與譚俊彥（Shaun） 的打鬥戲，嘴角流出的是真血：「嗰吓因為個位錯咗，所以真係爆缸，Shaun都好驚猛話唔好意思。開頭以為要逢針，好彩去到醫院醫生話唔太深，可以唔使，但疤痕都成年先褪咗。」他還一再大讚Shaun勁專業又照顧同劇演員：「佢好熟悉製作，知道鏡頭前後要點樣配合去做效果。好似今晚（22日）嗰場麻雀館打交戲，因為又爆枱又跌嚟跌去咁，佢就教我點發力同借力可以唔使受傷，仲教埋我邊啲位要落護墊保護自己，真係好多謝佢。」

至於譚俊彥昨晚追Patrick Sir喪跑一幕令人印象深刻，在鏡頭前一味喪跑足足十分鐘之餘，還要緊接飛撲及埋身肉搏鏡頭，Shaun不但全程動作流暢自然，而且更跑得相當之快，據知，為了這場戲Shaun在大熱天時跑足大半日，但驚人的是，無論重跑幾多次，他仍還能保持驚人步速，獲劇組笑封「最佳男飛人」，監製羅永賢大讚Shaun：「佢有跑開馬拉松，不嬲體能都好好，而且佢仲要好專業，之前拍《拳王》幾場戲，佢都會操到自己好弗，所以佢嘅體能完全係不容置疑。」

東網網站 : https://on.cc/東網Facebook專頁 : https://www.facebook.com/onccnews/