黃翠如投訴蕭正楠風流快活　孤軍作戰湊仔呻爆

藝人黃翠如與蕭正楠（阿蕭）感情發展逾10載，由拍拖到結婚攜手走過高山低谷，至今依然如糖黐豆，恩愛度羨煞旁人。近日阿蕭與好兄弟黎耀祥及曹永廉飛澳洲拍攝旅遊節目，更不時於社交平台分享所見所聞，留下翠如獨自照顧囝囝「蕭哈哈」，難怪翠如作勢扁咀「投訴」。

翠如昨日於自己社交帳號上載多張湊B相，畫面十分溫馨，她更附上自己以往到澳洲拍節目，及阿蕭近日的開心照做對比：「6年前嘅今日，我喺澳洲拍節目活著Viva ，佢喺屋企凌亂咁將啲隔夜Pizza塞入口。6年後嘅今日，我身上面長時間掛住咗一隻樹熊，佢去番同一個地方拍節目活著Viva。」圖文並茂令網民忍俊不禁。

有網民隨即留言「想聞哈哈頭仔」，翠如就答：「臭臭地﹗」而5個月大的哈哈長肉不少，搞到林奕匡及黃祥興都指他大得好快，翠如回覆：「佢太鍾意飲奶」洪永城則留言慰問翠如：「你搞唔搞得掂呀？好似有啲困難。」，翠如表示：「你一家過嚟幫吓手啦，Amber（洪永城囡囡）應該可以湊下細佬嘅。」網絡上你一言我一語，十分熱鬧。

東網網站 : https://on.cc/東網Facebook專頁 : https://www.facebook.com/onccnews/