李幸倪身體狀況響警號　晒染血紙巾：慶祝我仲有生命

歌手李幸倪（Gin Lee）演藝事業一帆風順，相繼奪得《新城勁爆頒獎禮2024》、《叱咤樂壇流行榜》、《第46屆十大中文金曲頒獎音樂會》女歌手金獎，奠定樂壇地位，成績斐然！

不過，其身體狀況卻響起警號，她社交平台分享了兩張照片，一張紙巾染滿鮮血，另一張，她趴在病床上露出腰部接受拔罐治療的照片，並寫道：「今日我慶生，慶祝我仲有生命」、「長知識，原來呢條好似鼻涕嘅物體就係粘連」，並指「今日放咗好多血」，情況令人擔心！

Gin Lee曾透露因壓力大致長期失眠：「以前我係長期失眠，同埋會發噩夢，好似冇休息過。到我認識咗身心靈課堂之後，又睇心靈嘅書籍，開始學識靜坐同冥想，個人係平靜咗好多，依家係瞓到同休息到。以前我係試過喊到熄唔到機，瞓瞓吓突然會係咁喊，啲眼淚係咁流，自己係控制唔到，幸好依家就冇呢個情況。」

東網網站 : https://on.cc/東網Facebook專頁 : https://www.facebook.com/onccnews/