杜如風減20磅拍節目呻冇艷遇 稱陳子聰健康狀况「係新問題」

杜如風今天（29日）宣傳全新旅遊節目《解風東京2》，對於好友何超儀發聲明指因老公陳子聰身體狀况問題，取消下月在台灣的演出，並陪老公到美國做手術，她透露陳子聰身體出現新問題，但所做的應該不是大手術，惟未知2人何時返港。

杜如風表示並不知道陳子聰病况何時發生，只是上網看消息才致電問超儀，聯絡後才知超儀已身在美國，指對方一定擔心。問知否陳子聰情况？她透露：「應該都OK，應該不是很大的手術，我亦有安慰及鼓勵。（是否因之前手術身體出現問題？）是另外的新問題。」她表示也不知超儀及陳子聰何時返港，她說：「相信連他們也不知道，要做完手術之後看情况。」

杜如風身形亦明顯消瘦不少，回復苗條身型，她直言為節目刻意減肥，減了20磅：「出發前已經減，因為怕唔減定先，去到食得過飽，又增番10磅，既然返嚟都係要減，不如減定先，就食少啲，一日只食一餐，加上跑步。」她笑言減肥後別人只讚她瘦，卻沒有人讚她靚，雖然瘦了回復狀態，但今次不如上次般有艷遇：「今次梗係啲廚師唔得啦，啲廚師煮美食就得，樣就真係冇特別吸引。」

杜如風決定6月出發並於6月底回程，拍攝行程早已計劃好，並非刻意避開大地震預言，她說：「我又冇話信唔信嘅，不過個心會防一防咁囉！阿媽又由得我，冇話叫我唔好去住。」問今次可有一如以往買爆篋？她則說：「今次買少好多嘢，冇買爆篋，3個篋滿就滿，但只係滿篋唔係爆篋，因為我大個女，以前買嘢唔睇價錢，𠵱家樣樣嘢都睇，加上開工經常穿波鞋，戒咗買高跟鞋，仲忍得手放棄買好鍾意嘅中古名牌手袋，所以冇碌爆卡。」

（即時娛樂）