「御用丫鬟」北上發展養家　生活拮据隱瞞阿媽免擔心

無綫「御用丫鬟」陳思齊（前名陳凱怡）近年北上發展全職網紅，移居內地的她最近加入了前無綫小生蔡淇俊公司做直播帶貨，在大街上擺攤維生。為了增加人氣，她不時於社交平台拍片分享生活，日前，她就拍片表示自己近年的生活極為拮据，表示：「一切的努力只為讓珍視的人過得更好，只要她開心，再辛苦都值得！#陳思齊 #媽媽 #媽媽的世界很小里面裝滿了你 #養家餬口」。

現於佛山居住的陳思齊到車站接媽媽，表示：「今日媽媽終於嚟咗佛山探我，我搬咗嚟佛山差唔多2年，生活一直都好拮据，而且每個月除咗固定嘅生活費之外，基本上就冇乜多餘閒錢，所以我其實唔係好敢邀請佢上嚟佛山探我，因為唔多唔少都要使錢。我又唔想佢過嚟，見到我過得咁閉翳而擔心我。」

陳思齊2000年參選港姐出道，雖大熱倒灶5強不入，但仍順利簽約成為無綫旗下藝人。多年來演過不少「妹仔」角色她曾轉行任職音樂治療及香薰按摩師，近年轉形成為網紅並北上發展移居內地，最近就加入了前無綫小生蔡淇俊公司做直播帶貨，在大街上擺攤維生。

東網網站 : https://on.cc/東網Facebook專頁 : https://www.facebook.com/onccnews/