網上熱話｜$1200萬六合彩中6個號碼 事主自揭1原因無緣領獎金 網民：中兩個字都冇咁傷心
相信每個人都曾經幻想過自己中六合彩，亦試過想像會點樣分配所得獎金，不過理想還理想，要中六合彩大獎絕對唔係一件容易嘅事。早前，有港男就在社交平台上發文，指自己雖然揀中六合彩的6個中獎號碼，但就因1事無緣1200萬獎金，引來大批網民同情留言。
港男揀中6個六合彩中獎號碼
早前，一位港男在小紅書以「第一次～ 六合彩中了六個字」為題發文，原以為是一個分享中六合彩喜訊的帖文，豈料到頭來空歡喜一場。據悉，事主所買的是2025年第63期六合彩，攪珠結果週六（6月7日）出爐，攪出號碼是9號、15號、27號、30號、34號、39號，特別號碼19號，與事主所揀選的號碼一致，但就無緣每注派12,932,520元的頭獎。
1原因與1200萬獎金刷身而過
事主之所以無緣頭獎，全因他以「膽拖」的形式買六合彩，仲要係高難度的「膽拖5拖12」，當中6號、11號、29號、32號、44號為「膽」，3號、15號、16號、17號、19號、21號、24號、27號、30號、34號、37號、39號為「腳」，以半注購買總數60元。因此只好發文苦呻「第1次，六合彩中了6個字，中了6個字，可惜全是腳，無錢收」。
網民同情留言
事主今次以5膽拖12腳的方式買六合彩，等同買了12注六合彩。若「腳」的號碼完全不中，最少須中3個「膽」號碼，才能獲得七獎，每注派$20（以半注$5計）。若「腳」號碼有1個中，則配上2個「膽」的號碼，才可獲得七獎獎金$20。
事主的經歷和馬會APP截圖就引起大批網民關注，不少網民都對他深表同情，直言「膽唔中，無用」、「好可惜」、「真慘，我中兩個字都冇咁傷心」、「呢個叫有運，但錯位了」，「我試過1條電腦飛，上邊中4個，下邊中埋其餘2個」。亦有網民解釋，如事主今次買複式而非膽拖，面對同一情況才算中獎，但事主如購買17個字複式，以半注計，投注成本要$61,880，與他今次膽拖僅花$60相距甚大。
原文刊登於 AM730
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)
- 家有野貓買六合彩， 點會買膽拖㗎，連半注都唔應該買， 正常人都知，六合彩只買單式或複式，而且必須1注咁買，咁先唔會有遺憾1天前
- L.Y.E.算啦 唔係你財，唔入你袋 我一向都係簡單投注，手劃或電腦飛 廿雞，中就中，唔中就算，亦唔會刻意吼大彩池嚟買， 自知冇橫財運，見人中獎，鄧人高興1天前
- Mozzie咁難中既野仲要慳果少少，買半注已經夠傻啦，當你中晒膽半注中少600萬，慳果$60，傻傻地1天前
- 晴天公仔（鋒）咁5膽拖 餐果d期期都中腳 人哋咪要跳樓。傻西1天前
- Edward標題有誤，唔係中6個號碼，係中5.5個號碼，佢9號都無中，中左19號特碼，正如各留言話齋，係你既就係你既，唔係你既就唔係你既，買半注會唔會小家 d ，膽腳都唔中，膽腳中2個都仲話入左閂出唔到閂，就好似識到條女去到佢屋企飲咖啡但係無搞野咁，問題係你膽腳都唔中，就好似你連條女都未識到就話要去佢屋企飲咖啡，即使你身體情況良好(中左5.5個字) 都無用，重心問題唔係係你中左六個字，係你無中膽腳1天前
顯示全部
留言 7