與素海霖齊出「胸」難社交網遭冚檔　李彧秀堅持晒36E人間胸器

動漫節早前舉行，亦是性感女星與網紅傾巢而出力爭「寫真女王」的黃金時機，當中最出位及高知名度的首位港產AV女優素海霖，日前為宣傳首本紙本寫真集，在社交網分享脫毛片作預告，更面向鏡頭拉低底褲。雖然回響爆燈，但短片疑因太過火，先後兩度遭檢舉後已刪除，令她大表掃興。

不過小小挫折絕對沒有打沉素海霖的進擊心，一口氣上載7個「宅男至愛」的Cosplay造型，包括《美少女戰士》愛野美奈子、《新福音戰士》綾波麗、《餓狼傳說》不知火舞等，其中她扮《鬼滅之刃》的禰豆子時酥胸半露，睇到網民噴鼻血，可惜其帳號隨後突被封殺，所有靚相與貼文一同消失。

跟素海霖同被「冚檔」的還有上圍達36E的健美女神李彧秀（SauSau），她受訪表示：「我帳號喺前晚凌晨被封嘅，唔知點解，亦冇通知，所有相都被移除，嗰刻真係好驚，立即向有關方面求助，但又唔知幾時回復正常，亦唔知會唔會冇埋啲相，不過就知起碼有30個女仔嘅帳號都出現同一情況。」她又透露今次推出了第3本寫真，目的是借性感帶出「堅持」二字：「想畀粉絲知，我嘅身材係努力操練得嚟，想感染大家要成功就一齊努力。」

SauSau的36E「人間胸器」成為最強賣點，她表示身材為她帶來不少煩惱，試過被偷拍外，着背心出街又被「抽水男」揩手臂及「波邊」，最驚危一次是被同住一大廈的年青四眼男子跟蹤，幸好她夠醒目才力保不失，她憶述：「個鄰居跟到我去我住嗰層嘅電梯口，仲睇住我入屋想知我住邊個單位，搞到我好驚呀，立即喺屋企門口大叫：『阿哥，開門呀，有人跟蹤我』，其實我冇阿哥嘅，只想嚇佢，點知佢真係中計搭電梯走咗，之後同保安投訴後，我冇再見過佢，同埋買咗防狼器保護自己。」至於任職健身教練的她，問是否被男學生喪𥄫？她哈哈大笑認學生以男性居多，可是並非代表好色，她認為愛睇靚女是人之常情，只是她以密實裝上堂，而男學生既規矩又認真學習，並即場收生謂：「希望收到多啲女學生。」

單身年多的她被問可心急結識護花使者，她就話未察覺追求者，而理想男友是條件簡單：「要錫我，年紀唔可以大我12年以上，唔使超級有錢，但都要有經濟能力，可以隨時去旅行，都試過有『富二代』追我，不過又怕佢哋唔係真心，只係貪圖我美色。」問到SauSau可有興趣發展演藝圈？她表示曾客串過扮女鬼，亦望有興趣投身演藝界，心儀的男對手是出名靚仔的吳彥祖，可鍾意MIRROR成員類型？她就話：「我28歲喎，我係睇吳彥祖啲電影大㗎。」

東網網站 : https://on.cc/東網Facebook專頁 : https://www.facebook.com/onccnews/