模特兒Kyle Wo被爆炒林家謙門票　「原價出讓睇下有幾多真」

林家謙將於8月在紅館舉行10場《White Summer》演唱會，為確保CLS（粉絲暱稱）成功購票，林家謙特別預留7000張門票，CLS可透過專屬通道登記購票。今次主辦方引入的「預先登記抽籤」購票機制，以抽籤形式處理公開發售的門票，讓真正支持的樂迷有更公平的機會購票。不過，近日網上仍然出現大量「黃牛」，其中模特兒Kyle Wo亦被爆高價放飛。

有網民今日（7月9日）在社交平台發文，指一名「同自己『偶像』合作過」的人，「高價炒自己偶像嘅飛，仲要唔係炒高一百幾十蚊，炒高一倍有多。$1080->$3000」。該名歌迷表示「林家謙做咁多嘢去唔想大家炒黃牛，你條友就帶頭搞壞規矩，仲虧你IG有20,000 followers，仲話自己偶像係林家謙喎，你買原本$1080既（嘅）飛，加埋手續費最多$1200你放3000？？？你好唔好意思呀？你仲賺得多過林家謙。」帖文附件有模特兒Kyle Wo的照片，以及他和該名歌迷的短訊截圖。

該帖文迅即在社交平台引起討論，Kyle Wo亦留意到事件發展，在社交平台以限時動態寫道：「隨便說（花生emoji）」，之後再寫道：「笑死，啲人原來以為我係收人原價飛再高價放。喂大佬，我都list哂（晒）出黎啲收據，就算問下價都得掛（啩）。開得呢個ac出，就緊係唔想買家中伏先用呢個ac，你當我真係冇諗過架咩？咁買唔買，個選擇係（喺）你地（哋）到（度）。原價出讓我就真係想睇下有幾多真呀，比（俾）人呃返轉頭唔好喊，所以繼續（花生）」。