柯煒林患肺腺癌四期　首度開Live剖白：我要接受有可能輸

33歲男星柯煒林日前自爆患上肺腺癌四期後，昨晚首度在社交網開直播，剖白患病的心路歷程。直播中他表現精神，看不出半點病容，期間他以幽默本色談及抗癌路，更大講地獄笑話：「如果要出歌，首歌會叫《絕不擴散》」，又指：「我會努力去打贏佢，但喺打仗或共存前，我要接受有可能輸，因為接受可能輸嘅時候，就冇嘢再驚，剩下嘅就係好好向前行。」他又指希望外界別稱他「小鬥士」或「勇士」：「 唔要呀！No呀！嗰啲咩勇士，好似247要奮鬥咁，我要攤喺度，做抗癌小廢青，哈哈！」更公開徵求「新朵」，見到有網民提議即興奮讀出：「『抗癌chill guy』，幾好喎！『癌柱』，哈哈哈！仲有呢個都好喎，叫『廢之呼吸』」，之後見到直播有3千多人收看時，更忍不住表示：「3000幾人睇我講抗癌，X你老味，我慣咗之前得幾10人睇。」全程以輕鬆方式面對。

而直播期間他偶爾咳幾聲，他就表示：「咳冇之前咁犀利，唔使擔心我，行得走得，只係呢part（指肺部）問題，希望蜜月期唔好咁快過。唔知未來係點，希望keep住呢個態度面對身體變化，今晚多謝你哋，好開心。唔使太擔心我，過去呢15年醫治癌症方法好多，我仍以on X仔態度面對」，並交代最新狀況：「感恩係醫生話我呢個case情況，係可以食藥控制，唔需要做標靶藥以外嘅治療，所以仲可以如常生活。聽到呢度時候，覺得自己好bless」。

他又指患癌後感受到各方的愛，令他大為感動：「I feel love 原因，係好多人鍚我，想畀最好嘅嘢，介紹最好醫生畀我，家庭好support，父母、妹夫、妹妹、細佬都好好，我喺被愛環境下感受呢件事。Meko（經理人）又幫我打點晒一切。」並多謝大家在街上遇見他時為他打氣。

東網網站 : https://on.cc/東網Facebook專頁 : https://www.facebook.com/onccnews/