「威龍潘金蓮」梁茵驚爆意外毀容　臉部遭150度高溫燙傷

憑處境劇《愛．回家之開心速遞》「威龍潘金蓮」一角為人認識的藝人梁茵，離巢無綫後一度財困，近年於餐廳打工兼任KOL維生，日前她驚爆意外受傷，傷及面部隨時毀容！她於社交網發文透露原來不幸被150度高溫的電髮棒擲中臉導致被燙傷，相中更明顯見到其額上有燒焦的痕迹及已脫皮的傷口，同時鼻樑紅腫，狀甚嚇人，她交代事發經過：「今次真係要動用好多人力、物力幫我，修復返個傷口，從來都冇諗過150度電髮棒，可以從天而降跌落我個面上（額頭同埋鼻哥受傷）。不幸中大幸，冇傷到隻眼，我相信呢個都係一個意外，人總有失手嘅時候，我聽到一聲聲的道歉，不過我第一次遇到這個狀況，我都嚇到不停叫工作人員畀冰我，好驚個電髮棒，真係會有心理陰影」。

她續指受傷後獲到各方朋友慰問及介紹皮膚科醫生，現時會停工休息14日，希望能讓傷口盡快復原：「放自己14日假，其實我真係好細膽，原諒我喊到雙目無神，聽醫生講只要堅持14日就9成有機會復原」，同時豁達表示：「好多人安慰我，唔得咪去搵醫美囉，我驚自己太完美，所以等它自己好番就算！有咩要扮醜樣嘅角色即管搵我，依家我唔使扮，直頭係醜樣」。

東網網站 : https://on.cc/東網Facebook專頁 : https://www.facebook.com/onccnews/