G.E.M.尾場個唱哽咽落淚 登台前氣喘 強顏歡笑面對恐懼
鄧紫棋（G.E.M.）昨晚（20日）舉行尾場《I AM GLORIA 世界巡迴演唱會2.0香港站》，好友何超蓮和李蘊捧場。G.E.M.在演唱會上連環派送了7次「金魚嘴」式飛吻，又向現場觀眾舉杯。她說︰「真不敢相信，我開第5場，之前未有人在啟德開過5場演唱會。今晚我跟在座各位寫下新歷史，大家是不是要寫得好好睇睇呢？」
唱完歌曲《孤獨》後，她透露髮型師的朋友有個12歲、患抑鬱症的女兒，上星期看過其首場個唱後稱感受到很大力量，要求媽媽再帶她來看尾場。G.E.M.有感而發︰「我細個追求自己跳唱有進步、寫歌愈來愈好，到我人生行到34歲，覺得企喺台上最重要。唔係要有幾勁、幾好，而係我哋之間互相影響。就好似見到12歲嘅女仔好唔開心，但嚟我演唱會後好有力量，會想再嚟。我希望大家睇完我嘅演唱會，可以帶啲力量回到生活之中，每日都開心平安，充滿動力，呢個係我最開心。」G.E.M.自言原以為自己已經歷了很多，但人生總有新挑戰，永無止境。她透露︰「呢晚講第一句話時突然痰上頸，出場前仲覺得氣喘。唔緊要，氣喘都可以唱歌。我希望我嘅音樂可以鼓勵到大家。上天給予嘅挑戰，唔會過唔到，所以Good Day要好開心，Bad Day都要有信心，大家一齊加油﹗」
談到在過去年幾以來進行世巡時經歷的辛酸，G.E.M.哽咽落淚︰「我經歷咗好多，試過遇到行雷閃電、大雨、樂隊設備故障、有飛蟲爬上嚟、木棉花絮飄落導致呼吸困難等。雖然我覺得自己巡演經驗幾多，但今次大部分都喺體育場演唱，都係第一次，所以都會好驚。每次面對恐懼，我都只能喺台上強顏歡笑，因為唔可以停。我感受到呢個巡唱就好似人生縮影，無論發生乜嘢事，人生都要繼續。今日係第114場，當我面對懼怕時，我唔會再驚或想逃走，可以面對恐懼話『係你走呀』﹗我好希望你哋如果遇到害怕、艱難，心入面有焦慮時，都講同一句說話。快樂係我哋嘅選擇，我哋一起選擇快樂。」
（即時娛樂）