陳健安被張惠雅狠飛　情緒一觸即發眼淚放題

唱作歌手陳健安（安仔）今年第3首派台歌《沒有時間》MV昨晚（14日）上架，歌詞意思是失去愛恍如時間停頓，歌名來自安仔6年前單飛第一首歌《一吻穿越四十六億歲》的其中一句歌詞。為配合今年以「後末日」主題的音樂企劃，《沒有時間》MV故事設定在「磒石撞地球」前一刻，安仔突然被張惠雅（Regen）飾演的女友狠飛。他一邊執行李逃難，一邊回憶已逝去的甜蜜片段，情緒一觸即發，安仔眼淚放題，喊到連攝影師都話替他心痛，導演Oscar更考慮將這段輯成番外篇！

安仔演技大爆發，一鏡到底，完美演繹否認、憤怒、討價還價、抑鬱和接受「分手5階段」，事後他冷靜情緒，說：「我完全唔知頭先發生咩事，一聽到音樂就係咁喊。Oscar話我演繹晒成首歌，一take過，可以獨立輯成一個MV。」他表示事前沒有想過自己會爆喊，說：「之前開會大家有討論過，啱啱被分手嘅人應該未接受到現實、未太傷心，但剛才我唔知點解就崩潰咗！情緒就係咁，以為自己控制到，但係突如其來嘅一啲氣氛，情緒就來了！」

安仔之前跟Regen已在《我違和但我不糾正》MV合作過，私下亦是好朋友，今次MV拍攝溫馨拍拖情景時，他們都表現非常自然和投入。曾患腳傷的安仔更二話不說孭起Regen街上跑，他說：「之前都有啲擔心，因為我腳傷之後未試過負重呢個磅數，原來佢咁輕！平時Regen拍戲都喜感較重，大家好少見佢演認真嘅角色，但我之前睇過佢演舞台劇，其實佢有呢一面。」除了幕前演出，安仔還感謝Regen為MV拍攝團隊親自下廚準備膳食，台前幕後都吃得津津有味。

東網網站 : https://on.cc/東網Facebook專頁 : https://www.facebook.com/onccnews/