吳浩康真漢子兼真實飲家　首代言啤酒品牌：喺老婆面前威返次

發布於 9小時前 • 二弟

吳浩康（Deep）為了養家而成功轉型「職安真漢子」，近日又有新搞作，真漢子形象獲廣告商垂青，邀請他為啤酒品牌拍攝最新一輯平面廣告，成功憑Man爆形象晉身為星級啤酒KOL，在老婆面前「威返次」，寓飲酒於工作！

吳浩康的真漢子形象近日獲廣告商垂青，邀請他為啤酒品牌拍攝廣告，他笑言可以在老婆面前「威返次」，寓飲酒於工作！

吳浩康今次收到啤酒品牌合作邀請，覺得好驚喜。「估唔到自己平時放工鐘意飲返杯，飲到可以拍廣告，賺到奶粉錢，真係好感恩客戶支持，今次重要係我平時幫襯開好鍾意嘅品牌。」 Deep揚言會自掏腰包萬歲，收工時請同事齊齊歎杯放工啤，鬆一鬆。「呢排天氣咁熱，我哋戶外工作有時都幾攞命，所以收工都會同啲同事搵個地方嘆下冰凍啤酒，收工飲幾杯，真係好爽，充充電！」

Deep本人是「放工啤」代表，也是該品牌的忠實Fans。

今次答應接拍廣告，除了因為酬勞吸引之外，原來Deep本人自言也是該牌子的忠實Fans。「品牌留意到我IG，見我平時自己又或者同啲同事收工有時飲返杯，都係飲佢哋品牌嘅啤酒，覺得我呢個用家身份好有說服力，所以決定搵我拍今輯廣告，無諗過貼地生活都可以帶嚟工作機會，仲可以喺老婆面前威返次，寓飲酒於工作，呢啲機會真係好難得，哈哈！」

今次製作單位特別安排一間港式餐廳作為廣告場景，現場還準備了多款特色的大排檔鑊氣小炒和冰凍啤酒，完美呈現放工飲返杯的輕鬆氣氛。

為配合今次廣告「放工啤」的主題，製作單位特別安排一間港式餐廳作為廣告場景，現場還準備了多款特色的大排檔鑊氣小炒和冰凍啤酒，完美呈現放工飲返杯的輕鬆氣氛。「講真飲啤酒真係難我唔到，估唔到今次最難係要忍口，廣告拍攝以為啲嘢食全部係道具，但見啲餸全部都熱辣辣、香噴噴，先知道大廚原來全程Standby，roll機前先即炒碟餸出嚟拍，面對住美食同啤酒呢個絕配，對於最近keep緊fit嘅我真係忍得好辛苦，但為咗拍攝效果，唯有犧牲小我，哈哈，攞正牌又飲又食，真係爽到爆啊！」

Deep笑說拍攝現場飲啤酒不困難，反而最難是要忍口，因為現場美食並非道具，全部都是熱辣辣、香噴噴，大廚即叫即煮。

全新一輯啤酒廣告將於暑假推出，Deep都好期待見到成品，表示會儲起海報留念。「雖然仔仔宜家未飲得酒，但期待將來兩仔爺一齊啤啤佢，攞返個廣告出嚟話當年嘅溫馨畫面。」

Deep表示會儲起今次廣告海報留念，期待將來兩仔爺一齊「啤啤佢」話當年。