伍允龍認愛後與女友李蔓瑩同場　重遊迪士尼出活動合照尷尬分開受訪

伍允龍與李蔓瑩（Renee）今年5月被拍得現身紅館力撐好友林峯開騷，二人在觀眾席全程言談甚歡，其後伍允龍大方向傳媒公開戀情，承認與Renee拍拖，當時指出二人較早前一齊去迪士尼玩。認愛兩個月後，二人今日（22日）首度同場出席活動，可說是重遊互生情愫的舊地，但大會事前表明二人需分開受訪，合照時二人亦十分避諱，笑指大害羞。

伍允龍與Renee今日一起現身支持在迪士尼樂園舉行全新Marvel新作《神奇4俠：英雄第一步》香港首映禮，二人大方讓傳媒拍照，期間熱情揮手。伍允龍染了一頭金髮示人，他解釋因為工作需要，被問到女友Renee對他金髮造型，他表示沒特別問對方，但應該覺得不錯。

二人戀情率先在主題樂園被發現，今日重遊舊地，他直言今次主要是觀賞電影，又指分開訪問並非他安排。「訪問我一個先啦，今日我哋嚟睇戲，我諗佢自己一個做訪問都OK嘅，佢好叻㗎！」他又表示，如果他們介意的話，就不會一起出席活動，後來又坦言因為害羞才分開受訪。「原來公開咗係咁㗎！我以為公開戀情冇乜嘢問，我都開始有少少尷尬，可唔可以唔再答？因為拍拖始終都係兩個人嘅事。」

至於Renee受訪時表示，迪士尼是一個好sweet的地方，情侶的拍拖聖地，自己十分喜歡主題樂園，又指男友都有「少女心」，所以不會抗拒同遊。她又指出，二人因工作關係及打機而認識。被問到男方如何打動她的芳心，Renee說：「最緊要真誠，我哋成日都會傾偈，咁你就會feel到對方嘅真誠。（邊個追求對方先）我唔係一個主動嘅人。」