周驄設靈｜羅蘭憶合作難忘點滴 含淚不捨老友驄叔離世

著名資深演員周驄（冼錦榮）早前因肺炎離世，享年92歲，今天（22日）於世界殯儀館設靈，明天（23日）10時移奉歌連臣角火葬場火化。

羅蘭、陳慧珊、白茵、鍾志光、羅樂林、田啟文、張國強、曾醒明到靈堂送別周驄，羅蘭姐撐拐杖現身，並由張國強攙扶到靈堂，羅蘭姐受訪表示，和周驄相當老友，廿多歲開始合作到今時今日，可以話「好長又得、好短又得」，總之在生一日的，盡量做好自己。

問到與周驄難忘事，她說：「好多難忘，當時拍粵語黑白片時，已經同驄叔一齊拍，最近幾年都一齊拍TVB劇，見佢好大隻和健康，唔似咁弱，唔知點解，唔知係咪空氣唔好，好多人都染到啲唔好嘅病，如果唔係就話周身痛，個個賴空氣唔好，希望大家要保重，唔好亂食嘢。」

問到是否不捨老友離世？羅蘭眼泛淚光說：「我頭先望到驄叔張相，唔似咁嘅年歲，但冇辦法，有啲病可以講冇得醫。」問可有致電慰問接受不到老友離世的胡楓？她稱近日沒有，本來颱風天致電問候對方，最終也沒有。

（即時娛樂）