陳展鵬變髮備戰音樂會　公開頭髮濃密之謎

愛美不只是女士專利，男士也一樣貪靚，特別頭髮保養方面尤其重要，事關不少男士也面對脱髮問題，正所謂「冇乜事都唔好亂搞個頭」，不過作為藝人則難免不時要轉形象，電髮、漂色在所難免。

視帝陳展鵬日前於社交網晒相，寫道：「接近10年冇退過顏色，因為驚頭髮會斷，唔知道今次會甩幾多頭髮，但係為咗工作，冇辦法，願保佑⋯⋯」展鵬接受東網訪問，笑言向來關注頭髮健康，他説：「係呀，人到中年呀嘛，免得過都費事染頭髮，但係因為8月份有兩個音樂會，同埋有好多關於音樂嘅工作要做宣傳，所以都要轉下個造型，係男人就會明白頭髮買少見少，要好好保護，哈哈！」他表示稍後分別於美國三藩市和順德舉行音樂會，亦透露會跟音樂人合作，灌錄新歌，他高興表示：「等咗咁多年，終於有時間有機會可以喺音樂方面玩吓。」

除了展鵬玩變髮，藝人何廣沛亦轉了新形象，他日前網晒新髮型，換了Skin head及染上一頭灰白髮色的他，頓時流露一份狂野感覺，圈中好友紛紛留言大讚其新髮型好看，更有人讚他跟經典漫畫角色「櫻木花道」一樣有型。

東網網站 : https://on.cc/東網Facebook專頁 : https://www.facebook.com/onccnews/