45歲余思敏慶生鄭中基冇影 老best露口風：會有好多人XX？

去年8月鄭中基（Ronald）與經理人何慶湘終止合作關係，指出對方工作與道德操守有問題，未幾鄭中基即自爆自己情緒出現問題，其時他完成手上工作便在太太余思敏陪同下赴美參加戒酒療程，直至今年一月Ronald再次回歸宣傳他自導自演的電影《阿龍》，再次現身他主理的YouTube頻道「機動電視台RTV」，Ronald清減不少，精神看來不錯，員工乍見老闆回歸大叫：「爸爸返嚟啦！」，亦有員工向他遞上claim form要求審批，貫徹頻道生活化的輕鬆作風。

鄭中基太太余思敏（Sammie）自美國回港後一直低調，直到昨晚45歲正日生日（3月13日），其IG平台終於更新，貼上一對仔女像左右護法般黐住她切生日蛋糕的照片，壽星女給自己的生日祝福寫上：「Happy Birthday to me, Start a new chapter.」看似話中有話，引發網友無限猜想，到底Sammie的「new chapter」意旨甚麼？

慶生活動浪接浪，奇怪的是從鄭太於生日正日轉發的帖文中，全都沒有鄭中基身影，包括她與有線舊同事的慶生合照，同框的都是前主播鍾健威、鄭文、虞逸峯、衛志豪及黃芳雯等等。照片中友愛滿滿，壽星女笑得好甜，在黃芳雯社交平台帖文中寫道：「請記得好好哄自己，會有很多人愛你～Quote from最近看的陸劇《難哄》」黃芳雯寄語好友的心靈雞湯，相信Sammie全部收到。

給Sammie大大力鼓勵支持的還有鍾健威，他在社交平台發文表示：「有線班兄弟姊妹都聽過我講好幾次，Sammie係我好尊重的一位師姐！第一次On Air做Live就係佢帶住我，永遠同佢partner都會好放心，依家有我地part住妳！希望你同樣感到安心放心，HAPPY BIRTHDAY!」義氣仔女的弦外之音，似是暗示余思敏生活上正面臨變化？引發網友無限聯想，聯想到Sammie與Ronald的婚姻是否再一次面臨危機？

另邊廂，鄭中基自導自演犯罪動作電影《阿龍》於下月上映，《阿龍》是Ronald投放了大量心機時間拍攝的作品，由創作到電影誕生面對了不少難題，其中最艱辛的任務是鍊成身軀健碩的阿龍如何在半年時間經歷增磅、和減磅過程。待下月電影公映時，相信暴龍哥會再跟大家再update近況。

圖片：IG@ykyray、paula_fonggoo、sammieyucm