魏浚笙改變心態 凡事不再執著介意 釋放工作壓力

魏浚笙（Jeffrey）日前接受新城節目《勁爆樂勢力》錄音訪問時，表示早前拍戲受傷的頸部位置已差不多痊癒，但仍留有疤痕。他表示：「冇鬚根嘅位置會好快啲，有啲位剃完鬚會發炎。」

談到新歌《白色踢死兔》是一首充滿野性的暗黑歌曲，以瘋癲的旋侓來演譯「The Show Must Go On」態度，Jeffrey說︰「因為The show must go on一直係我做呢行嘅座右銘，以前做騷嘅時候，好多時會遇上耳機冇聲、支咪冇聲，或者你個人狀態好差，好多嘢可能都會發生，但唔代表入場嘅觀眾要承受呢啲嘢，或者畀你嘅負面能量影響。」

Jeffrey表示會跑步、健身釋放工作壓力，還要改變自己的心態。他說：「呢一年改咗自己嘅諗法，我冇期望就冇咁唔開心，好多嘢因為太在意先會攰同嬲，但你唔介意嘅時候，就唔會有呢啲感覺。雖然我唔係每次都做到，但會舒服啲，亦唔需要咁執著。」

（即時娛樂）