港姐︱袁文靜想靠搞笑再衝人氣Top 5　蔡華英對鏡頭傾偈怕醜

《2025香港小姐》今日（31日）出發馬來西亞拍攝外景，14位佳麗今早出席拜神儀式。問到出發準備工夫？（3）蔡華英表示預備了防矖液和乳霜，因屆時要穿比堅尼，故近來加緊操弗。（13）袁文靜表示準備了防晒3寶，包括防曬液、帽及傘，更笑稱會帶大批零食：「高蛋白零食，因為聽講行程好密冇時間食嘢。（唔食嘢會暈？大家都Keep Fit喎。）係，唔食唔得，哈哈！食高蛋白食物應該冇問題。」問到是否已有心理準備行程辛苦？她笑指剛才在化妝間把握時間睡了1小時，自己是隨時能入睡的人。

蔡華英表示昨晚有睡足，亦準備了能量飲品以備不時之需。問到有哪方面想向随團嘉賓袁偉豪和劉佩玥請教？她坦言希望請教如何面對鏡頭能不緊張：「我傾偈嘅時候有啲怕醜。」至於袁文靜則希望了解更多有關港姐的故事。

談到二人原先在「2025香港小姐網絡最強人氣Top 5」榜上有名，但本星期已跌出榜外，袁文靜坦言從未想過能打人5強，有此成績已不錯：「大家都好叻。（點樣衝番上榜？）做多啲搞笑嘢畀大家睇，講多啲廣東話引大家笑。」她表示有努練習廣東話。蔡華英表示見其他佳麗上榜同樣高興，自己會叫朋友多支持推高點擊，又感謝父母特意在社交平台幫她宣傳。

東網網站 : https://on.cc/東網Facebook專頁 : https://www.facebook.com/onccnews/