黃紫恩台灣連環烏龍事件　慶幸有驚無險

藝人黃紫恩（JoJo）近日到台灣遊玩頻頻發生烏龍事，但總算有驚無險，逢凶化吉，認真幸運，她說：「判斷唔到今日算係黑仔定好彩，喺台灣落地先發現張入台證成個名冇咗，好彩出境冇人Check到，入境嘅台灣職員又肯幫手再印。臨上車覺得少咗啲嘢，醒起成個篋漏咗喺機場廁所出面，即刻全速跑返去拎，壓線上到車。」

經過重重挑戰JoJo終於去到台北，但繼續發生蝦碌事，她續說：「酒店喺台北車站隔籬，但係路癡兼未瞓醒，5分鐘路程，最後烈日當空搵路，搵咗就嚟一個鐘。」而最刺激的還在後頭，事隔兩個鐘後才發現銀包漏了在接待處的行李寄存位，但回頭再看，銀包竟然在原地等待，認真好運。

東網網站 : https://on.cc/東網Facebook專頁 : https://www.facebook.com/onccnews/