「波波」黃婧靈公開徵求整容建議　自爆拍飲食節目消瘦之謎

27歲的黃婧靈(波波)身材好常派福利，澎湃上圍不時成為焦點。近日波波拍攝無綫飲食節目《美食新聞報道》，不肥反瘦，她日前就在IG公開秘訣，另外竟然公開「集思廣益」，希望大家提供「整容」意見。

波波昨日在IG出圖出文：「集思廣益，整容整到好似佢咁好冇？示意圖為第二幅，之後我身價可以直接破百億😬 #幾時都話唔明點解要生得我咁聰明」而她上載的第二張圖，原來是近年人氣勁升的公仔Labubu，整容只是說笑。至於拍飲食節目反而消瘦了，她日前亦有出文解釋實況：「好多人問我/同我講：『係咪真係好食架？』『拍個陣係咪一定要話好味架？』『係邊到食到？』『睇你食得好開心好似好好味咁』『係咪真食架？』『有冇肥咗？』係真食的，拍緊嘅時候食好多，off cam食得仲多！記得最耐試過由朝早九點食到夜晚九點，食四，五餐左右，每餐起碼兩三個餸，即係我一日起碼食10幾個餸😆有啲人可能會覺得一次過食咁多好辛苦，但對我嚟講係一份絕世筍工，每次都會好期待食啲乜嘢，好似開盲盒咁，幸福滿滿🥰」
至於秘訣就是：「而我食咁多，反而係瘦咗，因為平時自己平時比拍嘢食得仲多，調返轉頭day off 令我平時食少咗，加上知道自己拍攝嘅時候要食，平時就會做多咗運動，所以我係瘦咗😆」