青春期遇上更年期！楊千嬅分享與13歲兒子相處妙法

樂壇天后楊千嬅日前接受新城知訊台《可「連」天下父母心》節目錄音訪問，既是天后級歌手，亦是一位媽媽。千嬅的兒子Torres轉眼間已13歲，踏入青春期。

千嬅形容自己做媽媽是件很Amazing的事，因為年少時沒想過結婚，但人生遇到合適的人時，會願意接受上天的安排。問到可鍾意做媽媽嗎？她坦言沒有刻意去想，她說：「但我做阿媽做得好快樂，小朋友係上天嘅禮物，唔好成日講會點樣教佢，某程度上佢嚟呢個世界，都係我哋修行嘅課題。佢嘅出現不止令我要學識做媽媽，亦要審視自己作為子女嘅責任。」

當了媽媽後，她與父母的溝通亦有改變，對家庭的理解不一樣，說：「有時想講小朋友做得唔啱時，就會諗番以前嘅自己，會代入自己嘅想法，調較自己點樣同小朋友溝通。」又表示：「我本身係藝人，亦令我跟其他人溝通嘅價值觀、溝通方法會再濶啲，呢啲都係小朋友賦予嘅機會。」

提到兒子已13歲，踏入青春期，對她來說是大挑戰嗎？她慶幸自己是護士出身，對溝通理解、心理健康有認知，會明白病人感受是第一，亦因而訓練出耐性，會耐心聽病人的不適。她說：「我哋唔係一聽到問題就要打壓佢，原生家庭對小朋友將來有深遠影嚮。我用自己嘅青春期去做一個量度，我喺青春期時不敢表達，父母較傳統，好多嘢都係唔准、唔可以。」她坦言希望下一代懂判斷、選擇，就以聽音樂為例，她指兒子聽的音樂已跟她不同，但不可以否定他的喜好。

問到跟兒子關係是否很好？她表示自己工作時會有情緒、壓力或疲倦，回家後她會先用一、兩小時休息，再跟兒子相處做朋友，不想帶着情緒跟兒子說話。她說：「我都試過大聲同佢講嘢，我知佢唔好受。」又笑指自己入行30年，與兒子相處之間的問題是「碎料」，從沒有動手打過他。主持人問到青春期遇上更年期，是否很大火花？她笑言大家會「閃」開，她去飲咖啡，兒子去沖綠茶。她謂會不斷為兒子「加分」，讚他做得好。

東網網站 : https://on.cc/東網Facebook專頁 : https://www.facebook.com/onccnews/