疑似張滿源道歉錄音曝光　稱Take advantage有不同解讀

演員張滿源曾因演出杜琪峯執導的《PTU》而被提名新人獎，近年亦因為在電影《死屍死時四十四》中演「死屍先生」而令觀眾留下印象。不過近日他就因為演出電影《離合戲》時被拍攝團隊發聲明譴責，指多次在未經同意的情況下觸碰女化妝師的手臂及大腿，並在工作期間使用了一些令女方感到冒犯的語言。之後張滿源上載數千字長文解釋及重組事件澄清，而今日(13日)凌晨，就有網民群組「文人多說話」中，爆出疑似張滿源一段在現場道歉的錄音。

張滿源在錄音中發誓自己並非有意：「如果我有半刻係有心想觸摸，如果我係有半刻我心裏面有觸摸，我所有名譽，我可以同上帝同任何人講我可以全部冇晒！如果我係有一刻係真心想觸摸你嘅，可以冇晒。」之後疑似男髮型師，即女化妝師的男友回應：「唔係有冇心，係觸摸咗，你要搞清楚呢一點先，OK？」張滿源續指：「第一，Sorry，我返番去嗰件事嗰度，學校嗰度我完全係冇意識，學校嗰度係冇。如果，第二次喺架車上面，我會……而係擺咗真係擺咗喺大髀上面。嗰個情況我心裏面的確係，係有一刻我覺得我係take咗advantage喺佢身上。我的確係有『啊！』我的確係有，所以可能嗰一刻就係因為有覺得，可以有take依個advantage，所以我冇可以去做一個縮手好快嘅動作，依個我都要承認。係嘅，不過我冇印象係我為咗要掂你，而擺隻手喺你上面，我可以發誓係冇掂嘅。」

有網民指出錄音和張滿源早前的聲明沒有衝突，當中提到的Take advantage，另有意思：「好再屈佢啦! 佢所承認既 "take advantage" 係佢條頸痛所以擺左隻手背, 利用左化妝師大脾黎 long 一long 住隻手呀, 唔係為左要掂佢。 一係就講晒成段錄音, 前文後理, 唔好淨係抄一句出黎。」亦有網民聽完錄音後反力撐張滿源，更指錄音動機耐人尋味：「個化妝師男友錄埋人音 背後動機耐人尋味 睇埋張滿源既詳盡解釋 同錄音十分吻合 似乎有人過份敏感。」亦有人提到爆料者應該公開全段錄音，而非斷章取義。