張繼聰帶愛犬散步惹網民過度關心︰我有膊頭 個腦仲可以

張繼聰和太太謝安琪都是愛犬的人，領養了貴婦狗Choco、Luffy及Sparky，以及唐狗晶晶。張繼聰日前在社交平台分享帶Sparky到沙灘散步的照片，有網民關心他為何只帶一隻狗外出，另外3隻有否被冷落；又有人擔心Sparky的腳有否皮膚敏感，擔心白天地面太熱會否令牠受傷等。

未知是否網民太關心幾隻小狗的情况，已在社交網逐一回答的張繼聰索性在Threads發文統一回應。他說︰「每次share同狗仔散步嘅相或片，總會有啲糾察隊嘅朋友留言，好鬼老土…… 講一次，我每朝八點起身，出發前一定會摸地下溫度，揀一啲有樹蔭嘅路，時刻留意小狗嘅反應，隨時補水，散步三十至四十分鐘，返屋企。過咗九點就唔會行，怕溫度太高。就算每日工作幾繁忙，都好享受每朝起身同小狗散步嘅時間，我覺得咁樣係我哋開始每一日嘅重要儀式。接觸大自然，會得到好大嘅力量。老老實實，我諗我錫自己隻狗嘅程度，唔會少過任何一個留言嘅朋友。你睇我嘅post係一時，我照顧我嘅小狗係一世，所以，唔使擔心。我有膊頭，而且個腦仲可以。當然香港嘅天氣，真係熱到黐線，所有主人都應該保護自己嘅狗仔。希望所有嘅主人同埋狗仔，都可以過得幸福快樂。冇乜嘢，我會繼續分享同我啲狗仔嘅相，不過有啲朋友… 唔使㗎啦﹗」

（即時娛樂）