魏浚笙做運動減壓　改變心態唔再執着

歌手魏浚笙（Jeffrey）日前接受電台節目《勁爆樂勢力》訪問，早前他拍戲受傷以致頸部留下駭人傷痕，他接受訪問時頸部傷勢已差不多痊愈，但仍留下疤痕，他說：「冇鬚根嘅位置會好快啲，有啲位剃完鬚會發炎。」

Jeffrey宣傳的新歌《白色踢死兔》是一首充滿野性的暗黑歌曲，並用上瘋癲的旋侓來演繹「The Show Must Go On」的態度，他表示：「因為The show must go on一直係我做呢行嘅座右銘，以前做騷嘅時候，好多時會遇上耳機冇聲、支咪冇聲，或者你個人狀態好差，好多嘢可能都會發生，但唔代表入場嘅觀眾要承受呢啲嘢，或者畀你嘅負面能量影響。」

為釋放工作壓力Jeffrey喜歡跑步和做Gym，也改變自己的心態：「呢一年改咗自己嘅諗法，當我冇期望，我就冇咁唔開心，好多嘢因為你太在意，你先會覺得攰同嬲，但你唔介意嘅時候，就唔會有呢啲感覺，雖然唔係每次都做到，但我會舒服啲，亦唔需要咁執着。」

東網網站 : https://on.cc/東網Facebook專頁 : https://www.facebook.com/onccnews/